Блгв. и равноап. царь Борис во Святом Крещении Михаил принявший Крещение со своим народом в 9 веке

02-May

Просветил болгар верою Христовой; скончался в 906 г.

глас 6
Исполнен страха Божия и Креще­нием святым просвещен, был еси жили­ще Святаго Духа, благоверный царю Борисе. Утвердив же веру Православ­ную на земли Болгарстей и жезл царст­вия оставив, вселился еси в пустыню, процвел еси в подвизех и обрел еси благодать пред Господем. Ныне же пред­стоя Престолу Всевышняго, моли да­ровати нам, молящимся тебе, спасение душ наших.

Слава

глас 8
Взбранный воеводо Бога Вышняго, силою Креста победивый востание тьмы и насадивый благочестие на земли твоей, имеяй же дерзновение ко Господу, сохраняй молитвами твоими достояние твое, да зовем ти: радуйся, равноапостольне царю Борисе, крестителю Болгарский.

Величание

Величаем тя, святый равноапостольный царю Борисе, и чтим болезни и труды твоя, имиже трудился еси во благовестии Христове.

Молитва