глас 5Сеятелю слова Божия, священномучениче Макарие достославне, во граде Киеве добре потрудился еси, и во обителех Московских иноческому житию поревновал еси. Отонудуже к святительскому служению призван, паству твою во обстояниих горьких упаствил еси, и, во дни гонений мужески Христа проповедав, мученический венец восприял еси. Моли Милостиваго Бога о чтущих святую память твою.
Слава
глас 6Восхвалим, вернии, дивнаго священномученика Макария, Евангелия проповедника, и преданий отеческих учителя. Той бо у рва смертнаго соузники своя благослови и о мучителех моляшеся, и ныне, Царю царствующих предстоя, молит спастися душам нашим.
Величание
Величаем тя, священномучениче, и чтим честная страдания твоя, яже за Христа во утверждение на Руси Православия претерпел еси.
Молитва
