Перенесение мощей свт.Германа архиеп.Казанского (иной тропарь)

25-September

Перенесение мощей из Москвы в Свияжский монастырь 1595 г.

глас 4
Яко великим пастырем единонравна и учителем вселенныя единомысленна, Церкве Божия служителя усердна, и строителя тайн Христовых благоговейна, стекшеся благовернии людие Свияжския обители Богомудраго основателя и Казанския новопросвещенныя паствы святителя Германа песньми и пении восхвалим, глаголюще: не престай присещати молитвами твоими на всю паству твою, в вере и благочестии блюди невредимо.

Слава

глас 4
Доблестями преподобия и правды, врученное тебе словесное стадо озаряя, и на злачных слова Христова пажитях питая, на правый путь заповедей Господних силою духа твоего наставлял еси е. Темже и ныне осеняемой цельбоносными чудотворении твоими, в святую память, зовем тебе: не престай, святителю, предстательствовати пред Пастыреначальником о стаде твоем, яко паствы твоея утверждение и сущим по тебе святителем удобрение.

Величание

Величаем тя, святителю отче Германе, и чтим святую память твою, ты бо молиши за нас Христа Бога нашего.

Молитва