глас 1Боголюбивая Царице, неискусомужная Дево, Богородице Марие! Моли за ны Тебе Возлюбившаго и рождашагося от Тебе Сына Твоего, Христа Бога нашего, подати нам оставление прегрешений, и мирови мир, земли плодов изобилие, пастырем святыню и всему человечу роду спасение. Грады наша и всю землю Российскую от нахождения иноплеменных заступи и от междоусобныя брани сохрани. О Мати, Боголюбивая Дево! О Царице Всепетая! Ризою Твоею покрый нас от всякаго зла, от видимых и невидимых враг защити и спаси души наша.
Слава
глас 3Дева днесь предстоит Сыну, руце Свои к Нему простирающе, святый князь Андрей радуется, и с ним Российская страна торжествует, нас бо ради молит Богородица Превечнаго Бога.
Величание
Величаем Тя, Пресвятая Дево, Богоизбранная Отроковице, и чтим образ Твой Святый, имже точиши исцеления всем с верою притекающим.
Молитва
