Перенесение мощей прпп.Сергия и Германа Валаамских чудотворцев (иной тропарь)

11-September

Перенесение мощей прпп. Сергия и Германа, Валаамских чудотворцев, из Новгорода на остров Валаам, в 1718 г.

глас 1
От мирския молвы бегающе, безмолвия и благочестия рачители, в тихое пристанище Валаама от востока приидосте, и в нем евангельски Христу добродетельми последовавше, на верх совершенства востекли есте. И ныне в торжестве премирном богозрением наслаждающеся, преблаженнии отцы Сергие и Германе, Человеколюбца Бога молите, еже спасти всех нас, благочестно вас почитающих.

Слава

глас 4
От мирскаго жития изшедше, отвержением же мира Христу последовасте, и достигосте великаго Нева езера, и в нем на острове Валааме всельшеся, равноангельским житием пожили есте, отонудуже, веселящеся, прешли еси к Небесным чертогам. И ныне со ангелы Владычню престолу предстояще, поминайте нас, чад своих, яже собрали есте, Богомудрии, да радостно от души вопием: радуйтеся, Сергие и Германе, отцы преблаженнии.

Величание

Ублажаем вас, преподобнии отцы Сергие и Германе, и чтим святую память вашу, наставницы монахов и собеседницы ангелов.

Молитва