глас 3Исповедник любве Христовой дался еси вселенней, ты, сладчайший в богословех, преподобне отче, Смиреннаго и Кроткаго узрел еси, и сердце Онаго познал еси; темже вси мы, Силуане преблаженне, твоими богоглаголивыми словесы просвещаеми, славим прославльшаго тя Духа.
Слава
глас 2Смиренномудрия исповедниче предивный и человеколюбия Духом Святым согреваемая доброто, Богу возлюбленне Силуане, о подвизе твоем Церковь Российская радуется, иноцы же горы Афонския и вси христианстии людие, веселящеся, сыновнею любовию к Богу устремляются, Егоже моли о нас, равноангельне боговедче, во еже спастися нам, в горении любве тебе подражающим.
Величание
Ублажаем тя, преподобне отче Силуане, и чтим святую память твою, наставниче монахов и собеседниче ангелов.
Молитва
