От юности подвизался монахом сначала на родине, в Тверской губ., потом основал свой монастырь на берегу р.Вишеры, Новгородской губ.; скончался в 1460 г. Св.мощи его в Вишерском мон.
русскийславянскийглас 4От юности твоея весь Богу поработился еси, блаженне, и Того ради любве отечество и род оставил еси, в пустыню вселився, и в ней жестокое житие показав, чудес дарования от Господа приял еси, Савво преподобне, моли Христа Бога спастися душам нашим.
Слава
глас 8Отечества, преподобне, удалився и вселився в пустыню, и тамо на столп вшед, идеже жестокое житие показал еси, и многих житием удивив, отнюдуже дарования чудес от Христа приял еси. Поминай нас, чествующих память твою, да зовем ти: радуйся, Савво отче наш.
Величание
Ублажаем тя, преподобне отче, и чтим святую память твою, наставниче монахов и собеседниче Ангелов.
Молитва
О, великий угодниче, преславный чудотворче и обители сея богодухновенный наставниче, Савво всеблаженне, душею на небеси престолу всех Царя предстояй, телом же во святей обители сей почиваяй и различная чудеса повсюду молитвами твоими совершаяй! Призри милостивно на люди предстоящия и твоего ко Господу Богу ходатайства во обдержащих нуждех просящия: вси бо мы, по множеству греов наших, не точию смеем принести когда молебный глас, но ниже возвести очес своих на небо: ты же, яко стяжавый дерзновение, принеси за все ко честней раце твоей притекающи теплыя молитвы ко Господу, еже избавитися нам от глада, потопа, труса, огня, меча и брани, от людей и от диавола бывающия и от всякия душевныя и телесныя болезни: да, избавившеся сих и работающе Господу, Емуже предстоиши, внидем в нескончаемый покой и прославим тамо с тобою всех благих подателя Бога всегда, ныне и присно и во веки веков. Аминь.
