Игумен обители на Пелшме реце, Вологодский чудотворец, скончался ок.1441-1449 г.
русскийславянскийглас 8Любовию Христовою, богомудре, просветився, добродетельми облистал еси: и всякое наслаждение плотское возненавидев, и в пустыню вселився, в нейже вельми подвизался еси в жизни сей временней в пениих и во бдениих, и в пощениих. Сего ради и Христос даром чудес обогати тя: но поминай нас чтущих пресветлую память твою, преподобне отче Григорие, и моли Христа Бога спастися душам нашим.
Слава
глас 8Христовою любовию уязвився, преподобне, и Тому невозвратным желанием последовал еси, всякое наслаждение плотское возненавидев, и в пустыню вселився, в ней вельми подвизался еси. Тем и Христос даром чудес обогати тя, поминай нас, чтущих пресветлую память твою, да зовем ти: радуйся, преподобне Григорие, отче наш.
Величание
Ублажаем тя, преподобне отче, и чтим святую память твою, наставниче монахов и собеседниче Ангелов.
Молитва
О, священная главо, преподобне отче, преблаженне авво Григорие! Не забуди чад твоих, ихже породил еси богоугодными трудами и молитвенными подвиги: поминай во святых твоих благоприятных молитвах и назидай предстательством твоим стадо твое, еже сам пасл еси: моли за ны, отче священный, дети твоя дуовныя, яко имея дерзновение к небесному Царю: не премолчи за ны ко Христу и не презри нас, верою и любовию чтущих тя. Поминай недостойных нас пред престолом Вседержителя, тебе бо дадеся благодать молитеся за ны. Аще бо телом представился еси от нас, но и по смерти жив во Христе пребываеши. Не отступи от нас духом, сораняй нас от стрел вражиих, от прелести бесовския и козней диавольских, пастырю наш добрый. Се бо, ракою мощей твоих пребывая с нами, святою твоею душею с небесными силами у престола Вседержителева предстоя, достойно славиши Господа. Темже, припадающе со умилением, молимся тебе о спасении душ наших: испроси нам время на покаяние и невозбранно прейти от земли на небо чрез мытарства горьких бесов, да, твоим предстательством вечныя муки избавльшеся, небесное царствие наследовати сподобимся со всеми праведными, от века угодившими Христу Господу нашему: Емуже подобает всякая слава, честь и поклонение, ныне и в безконечныя веки веков. Аминь.
