18-March по ст.ст.

Прмц.Наталия Бакланова и иже с нею Сходненские

глас 4
Приспе день светлаго торжества, земля Московская радуется, наипаче же людие Сходненстии духовно торжествуют, прославляюще вас, преподобномученицы Наталие, Екатерино и Елено. Вы бо, души своя за веру Христову положивше, венцы мученическими украсилися есте, сего ради, Престолу Святыя Троицы ныне предстояще, душам нашим мир испросите и велию милость.

Слава

глас 3
Восхвалим днесь троицу преподобномучениц Сходненских, во храме Святыя Троицы усердно подвизавшихся, в годину же лютых искушений веру православную пред мучители исповедавших и кровь свою за Христа пролиявших. Сего ради страстотерпицам Христовым воспоим: радуйтеся, Наталие, Екатерино и Елено, веси Сходни заступницы богодарованныя и молитвенницы о душах наших.

Величание

Величаем тя, страстотерпице преподобная мати, и чтим честная страдания твоя, яже за Христа во утверждение на Руси Православия претерпела еси.

чтобы выбрать русский язык нажми СЮДА