31-October по ст.ст.

Прп.Анатолий затворник Печерский

Его мощи были обретены в Дальних пещерах в 1675 г.

глас 2
Велия веры исправления, в пещернем затворе, яко на воде упокоения, преподобне отче, радовался еси, огнем бо любве Божественныя распаляемь, бдением и молитвою безстрастия достигл еси и явился еси равноангельный на земли. Того молитвами, Христе Боже, спаси души наша.

Слава

глас 8
Христовою любовию уязвив душу, преподобне отче наш, в пещернем мраце свет спасения обрел еси и, яко чадо избранное великих отцев Печерских Антония и Феодосия, вкупе с ними обитель райскую унаследовал еси, отонудуже призирай ныне на обитель земную, в нейже подвизался еси, и молися о чтущих память твою, да зовем ти: радуйся молитвенниче о душах наших.

Величание

Ублажаем тя, преподобне отче, и чтим святую память твою, наставниче монахов и собеседниче Ангелов.

чтобы выбрать русский язык нажми СЮДА