глас 3Двоицу начальных российских светил почтим, Антония, Богом посланного, и Феодосия, Богом дарованнаго: тии бо первии, равноангельным в России житием просиявше от гор Киевских, осветиша отечествия нашего вся концы, и путь к небеси правый многим показаша, и, первоотцы иноком бывше, лики спасаемых Богови приведоша, и ныне, предстояще в вышних немерцаемому Божества Свету, молятся о душах наших.
Слава
глас 2Твердыя столпы благочестия, недвижимая иноческих законоположений основания, и необоримыя стены Российския восхвалим: Антониа, возлюбльшаго Бога, и Феодосия, возлюбленнаго Богом: труды бо онех и постническия подвиги прият паче всякаго всеплодия, Един во святых прославляемый.
Величание
Ублажаем вас, преподобнии отцы, и чтим святую память вашу, наставницы монахов, и собеседницы Ангелов.
чтобы выбрать русский язык нажми СЮДА
