05-February по ст.ст.

Икона Божией Матери Елецкая-Черниговская

глас 6
Твоего милосердия дарование воспоминающе, Владычице, и Твой чудотворный образ благоговейно лобызающе, упованием же Твоея помощи сердца наша веселяще, аки срединас прибывающую Тя помышляем и верою Тебе вопием: Твоего моли Сына и Господа, да научит нас заповеди Его всегда творити и злыя искушения побеждати, и Тебе, Предстательницу нашу, достойно пети и славити во веки.

Слава

глас 5
На неувядаемом древе угоднику явившеся, Твое же предстательство всем молящимся присно являющи, Владычице, и нашего не отврати смиреннаго моления, но прегрешений наших прощения испроси и, скорби душ наших отъемши, благодарственное наше приими поклонение, да любовию Тя во веки славим, Всепетая.

Величание

Величаем Тя, Пресвятая Дево, Богоизбранная Отроковице, и чтим образ Твой Святый, имже точиши исцеления всем с верою притекающим.

чтобы выбрать русский язык нажми СЮДА