Из дворян; сначала он ходил в одежде крестьянской из деревни в деревню и безмездно помогал в работе крестьянам, потом проповедовал веру Христову язычникам Пермской губ.; скончался в 1642 г. Св. мощи его в Верхотурском монастыре.
глас 4Днесь радуется славная страна Сибирь, обретши святыя твоя мощи внутрь себе. Архиереи, священницы и весь сонм людский, духовне веселящеся, вопием ти: о богомудре Симеоне! Избави нас, к тебе прибегающих, от всяких бед, просяще податися всем по коегождо прошению и избавитися стране сей и граду от огненнаго запаления и поганскаго нашествия и междоусобныя брани и от всякаго зла. Чтуще же ныне честных и многоцелебных мощей твоих пренесение, новый целебниче, вси мы вопием: слава Давшему тобою всем исцеление!
Слава
глас 4Наста днесь всечестная память новаго целебника праведнаго Симеона, созывает же люди в пречестный храм святаго Божия архиерея Николая, идеже радостно сошедшеся благочестивых множества, весело празднуют пренесение честных и многоцелебных мощей твоих праздник. Ты бо явился еси граду нашему и всей Сибири врачевство безмездное, подавая исцеление с верою приходящих к тебе, Симеоне всеблаженне! Но яко имеяй дерзновение ко Владыце Христу, Того моли спасти град и люди, молящияся тебе, паче же ходатай буди ко Господу во дни нашествия печали рабом твоим, да зовем ти: радуйся, Сибирстей стране похвало и утверждение граду нашему.
Величание
Ублажаем тя, святый праведный Симеоне, и чтим святую память твою, ты бо молиши за нас Христа Бога нашего.
чтобы выбрать русский язык нажми СЮДА
