23-July по ст.ст.

Икона Божией Матери Всех скорбящих Радость с грошиками

глас 8
Ко источнику приснотекущему милосердия, Пречистей Деве Богородице, притецем людие вси, царие и князи, священницы же и иноцы, мужие и жены и чада, богатии и нищии, здравии и болящии, в покаянии вопиюще и умильно глаголюще: Владычице, помози грешным рабом Твоим, яви, яко Благая, славу Твою, присно потщися умилосердитися на ны, испроси очищение душ и телес наших от Источника жизни нашея, Бога, Егоже родила еси, едина Благословенная.

Слава

глас 6
Не имамы иныя помощи, не имамы иныя надежды, разве Тебе, Пречистая Дево. Ты нам помози, на Тебе надеемся, и Тобою хвалимся, Твои бо есмы рабы, да не постыдимся.

Величание

Величаем Тя, Пресвятая Дево, Богоизбранная Отроковице, и чтим образ Твой Святый, имже точиши исцеления всем с верою притекающим.

чтобы выбрать русский язык нажми СЮДА