глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 8
Православия наставницы, благоче­стия и чистоты учителие, Церкви Вологодстей Богодарованное украшение, преподобнии отцы наши Онуфрие и Авксентие, молите милостиваго Бога, да вашим предстате-льством подаст благо­дать и мир стране нашей и душам на­шим спасение.

Слава

глас 2
Волнений множество невлажно проходяще, безплотныя враги струями слез ваших крепко погрузили есте, богомудрии и преподобнии, и чудес дар приимше, молите непрестанно о всех нас.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.