глас 1
Желанием духовным пустыни достигл еси, богомудре Онуфрие, и яко безплотен, в ней многолетне подвизался еси трудолюбне, соревнуя пророкам Илии и Крестителю, и, от руку ангельску таин божественных насладився, ныне во све­те Святыя Троицы купно с ними веселишися, моли спастися нам, твою память почитающим.

Слава

глас 3
Сиянием Духа Пресвятаго, Богомудре, просвещься, оставил еси яже в житии молвы, пустыню же достиг, преподобне отче, возвеселил еси иже над всеми Бога и Зиждителя. Сего ради прославляет тя Христос, блаженне, Великий Дародатель.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.