глас 3Язык огнедохновен в силе Духа приемше, во плоти пришедшее Слово проповедасте всюду, Егоже ради ов во главу усечен, ов же камением побиен, и есте апостольскому лику украшение, Варфоломее и Варнаво, темже память вашу почитаем и просим: молите Христа Бога подати нам грехов оставление.
Слава
глас 3Господень был еси всеистинный служитель, апостолов же явился седмидесятих первый, озарил еси и с Павлом проповедь твою, всем возвещаяй Христа Спаса: сего ради песнопении Божественную память твою, Варнаво, совершаем.
И ныне
глас 6Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.
