глас 3
Прославим, вернии, благочестие возлюбившаго и от юности иго Христово усердно восприимшаго, ревностнаго святителя Церкве Российския, в Богоспасаемом граде Тобольске подвизавшагося. Ты же, Богомудре отче Павле, телом убо в нетлении почивая, духом же Престолу Божию предстоя, моли спастися всем нам.

Слава

глас 8
Звезду церковную, от Киево-Печерския Лавры возсиявшую, и чрез Новград в Сибирскую страну достигшую, идеже ревностно служением своим сияющую, святителя почтим, Тобольския митрополии столетие венчавшаго: радуйся, отче Павле, всея Сибири чудотворче.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.