глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 4
Иже плотским дебельством Богови работати изволи, в пустыню вселився, в нейже многими поты и труды безтелеснаго равноангельнаго пребывания возможе достигнути, таже от Бога уз­рен быв, сподобися великих чудес в жиз­ни и по преставлении, на нечистыя духи силу восприим, изгониши от приходя­щих к тебе с верою, темже, отче Алек­сандре, за вся ны моли, спастися ду­шам нашим.

Слава

глас 8
Иже земная оставль, в пустыню вселився, Христовым стопам последовал еси, тепле, и Того, славне, на рамо свое честный крест взем, умертвил еси плоти взыграния труды постническими и желанием духовным, всеблаженне, темже зовем ти: радуйся, Александре, пустынный жителю.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.