глас 1
Яко крин в пустыни Давидски про­цвел еси, отче Кирилле, злострастия тер­ние искореняя, и собрал еси в ней уче­ник множество, страхом Божиим и учением твоим наставляемых, ихже и до конца, яко чадолюбивый отец, не оста­вил еси, посещая, да вси вопием: слава Давшему ти крепость, слава Венчавше­му тя, слава Действующему тобою всем исцеления.

Слава

глас 8
Яко преобидев тленная и долу влекущая мудрования, отче, к вышнему течению радостно устремился еси, и тамо со святыми Пресвятей Троице прдстоя, моли от враг сохранитися стаду твоему, яко да святое твое учение празднующе, вопием: радуйся, преблаженне Кирилле, отче наш.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.