глас 8
Православия наставниче, благочестия учителю и чистоты, вселенныя светильниче, архиереев богодухновенное удобрение, премудре, ученьми твоими вся просветил еси, цевнице духовная. Моли Христа Бога спастися душам нашим.

Слава

глас 6
Бездну нам учений Богословия источил еси яве, от источник Спасовых, ереси погружающую, блаженне Кирилле, и стадо невредимо от треволнений спасающую: странам бо всем наставник, преподобне, яко Божественная являя.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.