глас 4
Апостолов преемниче, архиереев сопрестольниче, России всея пастырю и учителю, всеблаженне отче Константи­не, Владыце всех молися мир пастве твоей даровати и спасение душам нашим и велию милость.

Слава

глас 8
Звезду российскую, от Киева возсиявшую и Чернигов блаженною кончиною своею озарившую, всеблаженнаго святителя Константина почтим, просяще его молитися Христу, да подаст мир стране нашей и душам нашим велию милость.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.