глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 3
Праведнаго Лазаря Боголюбивыя сестры, Марфо и Марие преславныя, чистым сердцем Христа в житии вашем возлюбили есте, мироносиц вземши чин, и Его, яко Сына Божия, безбоязненно исповедали есте; сего ради ныне во обителех Отца Небеснаго со ангелы и всеми святыми славно царствуете. Умолите, Егоже возлюбили есте, и нам, грешным, в вере и любви Христовой утвердитися и Царствия Небеснаго сподобитися.

Слава

глас 2
Телеса своя постом изнуривше, и неусыпными молитвами моляще Зиждителя о грехах своих, яко да приимете совершенное прощение, и приясте божественное оставление и царствие небесное, молите Христа Бога о всех нас.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.