глас 8
Днесь вельми хвалится царствую­щий град Москва, имея в себе праведныя твоя мощи, благоверне царевиче Димитрие, яко цвети благоуханныи, пребываеми во святем храме, просве­щение подают душам и телом нашим. Тем радостно тя восхваляем, и честное пренесение мощей твоих верно почитаем, и молим тя: моли Христа Бога дарова­ти нам велию милость.

Слава

глас 4
Яко пресветлая звезда, явился еси днесь в царствующем граде Москве, благоверне царевиче Димитрие, сияя праведными своими мощми. К нимже притекающе, исцеления дар приемлем и глаголем: радуйся, всекрасне душею, благородне Димитрие, яко приял еси от Бога велий сей дар и венец нетленный.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.