глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 3
Апостоле святый, моли Милостиваго Бога, да прегрешений оставление подаст душам нашим.

Слава

глас 4
Яко звезда, возсиял еси вселенней, светом просияв солнца, блаженне, всесветлаго Павла, мира просвещшаго концы, сего ради тя чтим, Ермие.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.