глас 2
Апостоли, мученицы и пророцы, святителие, преподобнии и праведнии, добре подвиг совершившии и веру соблюдшии, дерзновение имуще ко Спасу, о нас Того, яко Блага, молите спастися, молимся, душам нашим.

глас 3
Апостоле святый, моли Милостиваго Бога, да прегрешений оставление подаст душам нашим.

глас 4
Яко звезда, возсиял еси вселенней, светом просияв солнца, блаженне, всесветлаго Павла, мира просвещшаго концы, сего ради тя чтим, Ермие.

Слава

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.

И ныне

глас 8
Яко начатки естества Насадителю твари вселенная приносит ти, Господи, богоносныя мученики; тех молитвами в мире глубоце Церковь Твою, жительство Твое, Богородицею соблюди, Многомилостиве.