глас 5
Наготою телесною и терпением обнажил еси вражия коварствия, обличая неподобное его деяние, зельне стражда солнечный вар и нуждныя великия студени мраза и огня не чул еси, Божиею помощию покрываемь, Иоанне премуд­ре, моли о верою творящих память твою честно и усердно притекающих к раце мощей твоих, избавитися от бед и паде­ния избежати.

Слава

глас 1
Иоанне премудре, земныя славы не возлюбив, того ради яко неистовся творя, желая Царство Небесное наследовати, ударения и укорения приемля, наготу и зной терпя, тем ныне со ангелы ликуеши, моли Христа Бога о душах наших.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.