глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 4
Добродетель благоприятно, муче­нице, постигла еси, Христово приятелище бывши чистое, и Святаго Духа дом возлюблен; отонудуже посрамила еси врага, борющаго род человеческий, доб­ре страдавшая, и посекла еси Копронима, Феодосие, мечем веры, и к черто­гу Небесному преставилася еси, радующися. Тебе верою чтущим присно проси велия милости.

Слава

глас 2
Трудами живот нетрудный достигла еси, кровию же Копронима удавила еси, мученице, сквернаго врага Христовы Церкве, всеблаженная Феодосие, и с Вышними радуешися воинствы, чтущих память твою покрывающи.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.