глас 4
Житием чистым просветився, в молитвах и постех пустыни явился еси доброе прозябение и, духовному твое­му учителю последствуя, ум свой к Не­бесным управль, стаду твоему настав­ник был еси, тем тя молим, отче Ферапонте: моли Христа Бога спастися ду­шам нашим.

Слава

глас 4
Преблагий Спас наш Христос умножил есть милость Свою к нам, даровав нам заступника и целителя преподобнаго отца нашего Ферапонта, иже просвещает нас образом святаго жития своего и ныне молитвами своими ограждает храм свой от врагов и разрушения, страну сию от глада и напрасныя смерти, чтущих же память его всех от болезней и лютых страстей.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.