глас 4
От земли пленения твоего воззвавый тя к Небесным селением, Господь соблюдает невредимо и цельбоносно те­ло твое, праведне Иоанне, ты бо, в Рос­сии ятый и во Асию проданный, посреде агарянскаго злочестия благочестно пожил еси во мнозе терпении и, сеяв зде слезами, жнеши тамо неизглаголанною радостию. Темже моли Христа Бога спастися душам нашим.

Слава

глас 8
В честней памяти твоей, святе, веселится о тебе Россия, во благочестии тя воспитавшая, и целебным мощем твоим радуется Асия, идеже узкий путь прошед страдальческаго плена и постнических подвигов, сосуд честен явился еси Божия благодати, Еяже проси и нам, чтителем твоим, да зовем ти: радуйся Иоанне, благодати тезоимените.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.