глас 4
Яко Божественное сокровище, сокровенное в земли, Христос откры главу твою нам, Пророче и Предтече. Вси убо сошедшеся, в сея обретение, песньми богоглаголивыми Спаса воспоим, Спасающа нас от тления молитвами твоими.

Слава

глас 6
Светоявленный и Божественный в мире столп, солнца светильник, Предтеча, главу светоносную и Божественную свою показавый в концех, освящает той верно покланяющихся и взывающих: Христов премудрый Крестителю, спаси всех нас.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.