глас 4
О благочестивый соборе, о людие избраннии, святителие, преподобнии и праведнии, и благовернии граждане российстии, яко звезды на тверди цер­ковней страны Ростовския и Ярославс­кия к Богу предстате-лие, величаем с любовию вас, по плоти наших сродни­ков. Вы же молитеся даровати мир стране и Церкви нашей, благословение и ми­лость Божию всем людем, всепрощение и спасение, ходатаи бо есте приснии о нас ко Святей Троице.

Слава

глас 4
Новаго Завета Бога с человеки хранитилие, евангельских заповедей исполнитилие, в добрых делех совершеннии, святителие мудрии, преподобнии и праведнии, богоноснии, землю Ростовскую и Ярославскую облагоухавшия молитвами, именуемии вси и неименуемии, явленнии и сокровеннии, предстояще Живоначальней Троице, не отступайте от нас духом и Божественное милосердие преклоните к нам, да с дерзновением славу в Вышних Богу вси приносим, да пребудет на земли мир нерушимый, любовь же и благоволение посреде всех человек.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.