глас 4
Крест, явльшийся тебе с Небесе, све­тел проповедал еси, просветив языки ясно, Владимире славне, обагреньми кровей твоих украсився, сподобился еси почестей нетленных, предстояй Троице, тем со дерзновением моли спастися нам.

Слава

глас 8
Яко сокровище многоценное и источник, точащ земным токи, недуги очищающия, нам подадеся тело твое священное, болезнем различным подающе исцеление и благодать Божественную притекающим к нему, да зовем ти: радуйся, княже Владимире.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.