глас 4
Константин днесь весело ликовствует, предстоя Престолу Пресвятыя Тро­ицы, видя отечествие свое мастию ду­ховною сияющее, емуже последоваша Михаил и Феодор, сынове его, и молят­ся вси трие вкупе о душах наших.

Слава

глас 8
Изрядному воеводе и правоверному князю Константину, с сынома его вкупе, отечество его хвалящися вопиет, имеюще его начальника и заступника, яко избавльшися им от прелести и скверны идольския. Сего ради вопием ему сице: радуйся, княже Константине преблаженне.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.