глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 8
Бденными молитвами и потоки слез­ными пустыню напоил еси и из глуби­ны воздыханьми ю расплодил еси, и бысть постнически равно Ангелом житие твое, страдальчески бореньми, яже от бесов и от ненаказанных человек, пре­терпел еси, и Ангелом собеседник явися, Божественнаго винограда насеятель быв, и, оставив временное житие, преселился еси в жилище Небесное. Темже тя почитаем, преподобне отче наш Сергие, моли Христа Бога спастися душам нашим.

Слава

глас 2
Чистотою душевною божественне вооружився, и непрестанныя молитвы яко копие вручив крепко, пробол еси бесовская ополчения, отче наш, моли непрестанно о всех нас.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.