глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 4
И нравом причастник, и престолом наместник апостолом быв, деяние обрел еси, богодухновенне, в видения восход: сего ради слово истины исправляя, и веры ради пострадал еси даже до крови, священномучениче, моли Христа Бога спастися душам нашим.

Слава

глас 4
Яко светосиянен добротою священства, и мучения кровию преукрашен с пострадавшими с тобою, Патрикие, Христу предстоя, о нас поминай, яко страдалец честный.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.