глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 3
Зарею Духа обогатився, славне, и оттуду восприим дерзновение, испове­дал еси на судищи мужески Троицу Единосущную, темже и камением побиваемь, не покорился еси. Огнем же сожигаемь, обличил еси прелесть без­божных, многострадальне святе Нико­лае. Сего ради молим тя: испроси ду­шам нашим велию милость.

Слава

глас 2
Благочестия истиннаго поборника и в бедах непобедимаго помощника, Божественнаго Николая в песнех восхвалим: сей бо явися в последняя лета звезда пресветлая, просвещающая верных сердца, и, со ангелы ныне Троице предстоя, непрестанно молится о всех нас.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.