глас 3
Апостоли святии, молите Милостиваго Бога, да прегрешений оставление подаст душам нашим.

Слава

глас 2
Звезду пресветлую, Богоразумия светом просвещшаго языки, апостола Христова Андроника восхвалим, и с ним во благовестии потрудившуюся Иунию премудрую, вопиюще: молите Христа Бога непрестанно о всех нас.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.