глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 4
От юности твоея весь Богови пора­ботился еси, блаженне, и Того ради любве отечество и род оставил еси, в пустыню вселився, в нейже жестокое жи­тие показав, и чудес дарования от Бога приял еси, Ефреме преподобне, моли Христа Бога, да спасет души наша.

Слава

глас 8
Ангельскому житию поревновав, преподобне, вся земная оставив, ко Христу притекл еси, и Того заповедьми ограждся, явился еси столп непоколебим от вражиих нападений. Тем зовем ти: радуйся, Ефреме, светило пресветлое.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.