глас 1
Божественною свыше просветився благодатию, Богомудре, многим терпе­нием во временней жизни течение совершил еси, темже и по успении источаеши чудеса, иже с верою прихо­дящим к раце мощей твоих, Исидоре всеблаженне. Слава Давшему ти крепость, слава Прославльшему тя в чудесех, слава Действующему тобою всем исцеления.

Слава

глас 8
Взбранному и дивному в праведницех, иже убо от Христа дар чудес приимшему, похвальная ныне принесем глаголы, но яко имея дерзновение ко Святей Троице, Юже моли избавитися от бед рабом твоим, да зовем ти: радуйся, Богомудре Исидоре.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.