глас 1
Житий преподобных отец Печерских списателю известный, святителю Христов Симоне преблаженне, молися прилежно с ними Христу Богу, да управит в мире живот наш, и в книги животныя да напишет ны, спасая души наша.

Слава

глас 2
Святительства одеждою, аще и достойне одеялся еси, обаче тем не возносяся, желал еси паче сметием пред враты Лавры Печерския поврещися, смиренномудре Симоне. Темже, не аки сметие, врат вне, но яко сокровище, внутрь святыя пещеры положен быти сподобился еси, и ныне на Небеси Господеви предстоя, молися о нас, чтущих тя.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.