глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 4
Одеждами от кровей украшаяся, Господеви предстоиши Царю сил, Хри­стофоре приснопамятне, отонудуже со Безплотными и мученики поеши трисвятым и страшным сладкопением. Темже молитвами твоими спасай стадо твое.

Слава

глас 2
Свыше, премудре, звание приял еси, Христу тезоименит быв, Христофоре славне, мучеником Божественная доброто. С нимиже всегда моли согрешений разрешение даровати нам.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.