глас 5
Пред святою Твоею иконою, Влады­чице, молящиися исцелений сподобля­ются, веры истинныя познание приемлют и агарянская нашествия отража­ют. Темже и нам, к Тебе припадающим, грехов оставления испроси, помыслами благочестия сердца наша просвети и к Сыну Твоему молитву вознеси о спасе­нии душ наших.

Слава

И ныне

глас 4
Величия Твоя кто исповесть, Пресвятая Дево, Творца всех Христа Бога Рождшая? Едина бо еси Мати и Дева, Преблагословенная и Препрославленная, упование наше, источник благостыни, верным прибежище и миру спасение.