глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 8
Креста Твоего образ ныне паче сол­нца возсия, егоже от горы святыя даже до лобнаго места простерл еси, и в нем Твою, Спасе, крепость уяснил еси, сим укрепляя и верныя люди Своя, яже и спасай выну в мире, молитвами Богородицы, Христе Боже, и спаси нас.

Слава

глас 4
Отверзый небеса заключенныя, на небеси пресветлыя лучи, на земли возсия пречестный Крест, темже сияние его действа приемше, к незаходимому наставляемся свету, и во бранех имамы его оружие мира непобедимую победу.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.