глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 1
Послушаша Господня гласа, добрии рачители бывше, благий Его Ярем на ся вземше, усердно понесосте и пос­тничества путь достигше, преподобнии отцы, святии чудотворцы, воини Небеснаго Царя Христа, Никито, Кирилле, Никифоре, Клименте и Исаакие. Сего ра­ди от Вседержительныя десницы венцы неувядаемыми увязостеся, и Небесною славою одеястеся, и чудотворении обогатистеся, темже и о нас молите не престайте, да получим вечных благ, мы же сице взываем: слава Давшему вам к подвигу крепость, слава Венчавшему вас, слава Дающему вами всем исцеления.

Слава

глас 8
К Богу все свое умное желание вперисте и к Тому невозвратно от души последовали есте, ангельское житие на земли поживше, и многим бысте путь ко спасению, отсюдуже и Христос вас прослави и даром чудес обогати, темже вси, притекающе к мощам вашим, зовем: радуйтеся, преподобнии отцы Никито, Кирилле, Никифоре, Клименте и Исаакие, молитвенницы теплии о душах наших.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.