глас 4
Днесь церковная расширяются нед­ра, приемлюще богатство Божия бла­годати, веселятся русстии собори, видяще преславная чудеса, яже творити приходящим к вам верою, святии чу­дотворцы Борисе и Глебе, молите Хрис­та Бога, да спасет души наша.

Слава

глас 4
Явися днесь в стране Русстей благодать исцеления всем, к вам, блаженнии, предстоящим и вопиющим: радуйтеся, заступницы теплии.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.