глас 8
Православия поборниче, покаяния и мо­литвы делателю и учителю изрядный, архиереев богодухновенное украшение, монаше­ствующих славо и похвало, писании твоими вся ны уцеломудрил еси. Цевнице духовная, Игнатие Богомудре, моли Слова Христа Бога, Егоже носил еси в сердце твоем, даровати нам прежде конца покаяние.

Слава

глас 8
Аще и совершал еси стезю жития земнаго, святителю Игнатие, обаче непрестанно зрел еси законы бытия вечнаго, сему поучая уче­ники словесы многими, имже последовати и нам, святче, помолися.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.