глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 3
Апостоли святии, молите Милостиваго Бога, да прегрешений оставление подаст душам нашим.

Слава

глас 4
Явистеся, яко звезды пресветлыя, просвещающе всю вселенную светом проповедания, апостоли Божественнии, Иасоне и Сосипатре, спасайте верою чтущих вас.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.