глас 6
Иже измлада Христа возлюбив и верою к Нему приближся, изнурил еси, в пустыни живый, многострадальное тело твое. Тем, блаженне Сильвестре, со Ангелы ликовствуя, моли Христа Бога мир мирови даровати и буди по­мощник верою призывающим тя на по­мощь и чтущим святую память твою.

Слава

глас 6
Подвигом добрым подвизался еси, преподобне, и душу твою, яко жертву чисту и непорочну, Духу Святому принесл еси, и по смерти твоей стадо твое духовное соблюдаеши, и в болезнех скоро посещаеши. Темже молим тя, преблаженне: с лики преподобных моли Христа Бога, да спасет православныя христианы и подаст людем в мире глубоце устроитися, да зовем ти: радуйся, Сильвестре, иноком духовный пастырю и наставниче.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.