глас 4
Подвигом добрым подвизался еси, страстотерпче Христов, верою и мучителей обличил еси нечестие, жертва же бла­гоприятна Богу принеслся еси; темже и венец приял еси победы, и молитвами, святе, твоими всем подаеши прегрешений прощение.

Слава

глас 4
Возделан от Бога, показался еси благочестия делатель честней­ший, добродетелей рукояти со­брав себе; сеяв бо в слезах, весели­ем жнеши, страдальчествовав же кровию, Христа приял еси и мо­литвами, святе, твоими, всем подаеши прегрешений прощение.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.