глас 4
Иже земных чести и славы отвергшеся, доблии и честнии страдальцы, веры ради крепко и мужественно му­ки претерпесте, на смерть себе давше за Живот всех Владыку. Темже и Христос преславно столпом облачным с Небесе вас озари, и почестьми и венцы от Престола Славы венча. Со Ангелы Тому предстояще, молите спастися душам нашим.

Слава

глас 3
Отеческую прелесть оставльше, святии, приведостеся Христови, всем души усердием стасте мужемудренно до смерти. Темже и взясте победы почесть воистину, о всех Владыку нашего непрестанно моляще.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.